Barcelona humbet Jordi Albën për 2 deri në 3 javë. Mbrojtësi i krahut të majtë pësoi një dëmtim muskulor në ndeshjen e kësaj të marte në Champions League ndaj Borussias së Dortmundit, duke u larguar nga fusha e lojës përpara kohe.
Alba ka problem në bicepsin femoris të kofshës së majtë dhe duhet të qëndrojë jashtë fushave për 2 deri në 3 javë.
Jordi Alba humbet kështu tre sfida të La Ligas, ato ndaj Granadas, Villareal dhe Getafes.
Nëse ja del të rikuperohet për 2 javë mund të jetë gati për takimin e 2 tetorit ndaj Interit në Champions League ose maksimumi në ndeshjen e fundit të kampionatit para ndalesës së kombëtareve, atë ndaj Sevillas.
