Pavarësisht se merkato tashmë është mbyllur, te Interi po punojnë akoma për përforcimin e skuadrës.
Sipas asaj që shkruan “Tuttosport”, pavarësisht se çfarë do të ndodhë këtë sezon, drejtuesit dëshirojnë t’i japin Kontes një lojtar të madh për mesfushën.
Dëshira e madhe e Marotës është lojtari i Lacios, Sergej Milinkoviç-Saviç, i cili është një nga lojtarët më të mirë të bardhekaltërve. Për mefushorin serb Interi do të nisë ofensivën në merkaton e verës së ardhshme, për ta transferuar atë në “San Siro”.
Marota e kërkonte lojtarin edhe te Juventusi, gjatë kohës kur ai ishte pjesë e bardhezinjve, por asokohe nuk arriti një marrëveshje me Lacion dhe tani do të provojë ta marrë atë te zikaltërit.
