Juventusi ka nënshkruar zyrtarisht me sulmuesin e Cagliarit, Han Kwang-song duke e huazuar atë me mundësi blerje.
Lojtari ka treguar formë shumë të mirë vitet e fundit, teksa ka arritur të luajë edhe me kombëtaren e Koresë së Veriut, ku gjithashtu ka zhvilluar paraqitje shumë të mira.
Kwang-song ndiqej nga “Zonja e Vjetër”, që në merkaton e janarit, por vetëm tani ata arritën të bindin Cagliarin për ta lënë të lirë lojtarin të bashkohet me skuadrën nga Torino.
Sulmuesi pritet të bashkohet me 23-vjeçarët e Juventusit që militojnë në Serie C dhe në rast se aty bind me paraqitjet e tij mund të kalojë në ekipin e parë.
