Rebiç ishte goditja e fundit e Milanit në merkaton e verës, por kuqezinjtë duket se nuk janë ende të kënaqur me blerjet.
Kështu që stafi drejtues ka nisur që tani të punojë mbi dy emra amerikano-latin, të cilët do t’i tentojë gjatë janarit.
Sipas asaj që raporton “Tuttosport”, kuqezinjtë janë në gjurmët e Lukas Martinez Kuarta, i cili është 23-vjeç dhe mund të zërë vendin e Musakios, në qendër të mbrojtjes. Ai luan te River Plejt dhe ka një klauzolë prej 22 milionë eurosh, e cila mund të ulet në 15.
Emri tjetër është Rodolfo Pixaro, i cili është 25-vjeç dhe luan si mesfushor në skuadrën e Monterejt, në Meksikë. Ai është ndjekur nga drejtuesit e Milanit dhe do të tentohet në merkaton e janarit.
Mbetet të shihet se sa do të avancojnë bisedimet dhe a do të mbyllen marrëveshjet mes palëve pas muajt janar.
