Emre Xhan është emri më i “nxehtë” në kampin bardhezi, momentalisht. Mesfushori i kombëtares gjermane, mbeti jashtë listës së Champions-it nga Sarri dhe është shumë i pakënaqur nga ky fakt.
Tashmë duket se largimi i tij në merkaton e dimrit do të jetë i pashmangshëm. Por, “Radio Marca” raporton se Xhan është kërkuar nga Real Betisi, që në merkaton e verës.
Kjo media zbulon se andaluzianët kërkonin huazimin e tij me të drejtë blerje, por Juventusi e ka refuzuar kategorikisht këtë ofertë.
Me zhvillimet e fundit dhe pakënaqësitë që ka lojtari, janari do të jetë dhe koha që me shumë mundësi Xhan do të lërë Italinë dhe Juven, pasi pista e Betisit mbetet ende gjallë.
