Ditën e nesërme klubi i Tiranës ka një ndeshje shumë të veçantë, pasi do të luaj derbin me Partizanin.
E kur duhet që gjithçka të shkojë në mënyrën e duhur, një situatë jo e mirë ka lindur në seancën stërvitore të së premtes.
Trajneri Ardian Mema ka përjashtuar nga stërvitja një nga titullarët, mbrojtësin Eni Imami.
Gjatë seancës, Mema i ka tërhequr disa herë vëmendjen për sjelljen jo të mirë që mbrojtësi i majtë po bënte, pasi ka bërë disa ndërhyrje të ashpra ndaj shokëve të skuadrës.
Pak para se të përfundonte seanca, trajneri Mema e ka nxjerrë nga stërvitja dhe e ka dërguar në dhomat e zhveshjes.
Nuk dihet se si do të veprojë klubi apo dhe vetë trajneri me mbrojtësin titullar, nëse do ta grumbullojë në derbi apo jo, kjo mbetet për t’u parë ditën e sotme.
