Futboll Sport

“SHKAKTOI DËME KATASTROFIKE NË KARRIERËN TIME”/ Michael Owen akuzon rëndë: Capello është një plehrë…

Libri i Michael Owen “Reboot” po publikohet pjesë-pjesë nga “Mirror”. E çdo pjesë e saja po tërheq shumë vëmendjen e publikut.

Së fundmi në pjesën që është publikuar, 39 vjeçari akuzon rëndë trajnerin italian, Fabio Capello, të cilin e akuzon se i shkatërroi karrierën kur mori drejtimin e Anglisë në vitin 2008.

“Fabio mendonte se duhej të ndryshonte diçka në përfaqësuesen e Anglisë dhe na doli problemi isha unë, Michael Owen. Jo vetëm që ma shkurtoi karrierën ndërkombëtare, që e kisha të fituar me shumë vështirësi, pa më dhënë asnjë shpjegim, por ai gjithashtu vazhdoi të ishte një nga trajnerët më pak efektivë që ka pasur Anglia.”

Etiketimi që Owen i bën Capellos, është vërtet i rëndë.

“Ai ishte absolutisht një plehrë. Sipas mendimit tim, Fabio Capello shkaktoi dëme katastrofike si në karrierën time, ashtu edhe në futbollin anglez, në përgjithësi, dhe u pagua shtrenjtë për ta bërë këtë.”

Owen shënoi 40 gola në 89 paraqitje gjatë karrierës së tij me “Tre Luanët”. Ai u tërhoq nga kombëtarja 4 muaj pas emërimit të italianit. Capello u largua në vitin 2012 pasi kundërshtoi vendimin e FA për t’i hequr shiritin e kapitenit e John Terry, pasi kishte përfunduar një fushatë kualifikuese të pamposhtur për Euro 2012.

ImageImage

 

Related posts

ZBULON PROJEKTIN E MADH/ Formula 1 zgjeron kufijtë, gati pista e re qytetase në Majemi

Delo.autor

VLERËSIMET PËR JAVËN E 16 TË SUPERIORES/ Njihuni me formacionet dhe trajnerët më të mirë e më të dobët

Delo.autor

SKANDAL NË ITALI/ Torino i hap portën, skuadra e Veselit realizon dy gola të dyshimtë (VIDEO)

Delo.autor

Leave a Comment