Në merkaton e verës që u mbyll ditën e djeshme, Juventusi kishte si synim të largonte Mario Mandzukic nga skuadra duke qenë se sulmi bardhezi është mbipopulluar, sidomos me ardhjen e Higuain.
Ofertat tunduese për sulmuesin kroat munguan dhe në këto kushte ai do të qëndrojë në Torino të paktën deri në merkaton e janarit.
Sakaq, Juventusi po përpilon listën me futbollistët e grumbulluar për në Ligën e Kampionëve dhe këtë listë duhet ta dorëzojë në UEFA së shpejti.
Mediat italiane raportojnë se pikërisht Mandzukic, është i sakrifikuari i parë dhe nuk do të jetë pjesë e bardhezinjve në këtë kompeticion.
Sarri ka besim te Higuain, futbollist të cilin e ka dashur në të gjitha skuadrat që ka drejtuar.
Kështu, argjentinasi i ka zënë vendin kroatit, ndërkohë që në balotazh për të mbetur jashtë janë edhe Ramsey dhe Emre Can, por ky i fundit ka më shumë gjasa të mos përfshihet në listë.
