FIFA organizoi ditën e sotme ceremoninë e çmimeve “The Best”, ku lojtari më i mirë u shpall Lionel Mesi, teksa në garë kishte edhe Cristiano Ronaldon dhe Virgil Van Dijk.
Pas ceremonisë, FIFA ka bërë publike edhe rezultatet e votimeve.
Messi fitoi me 46 pikë në renditjen përfundimtare, ndërsa 38 e 36, morën përkatësisht Van Dijk dhe Ronaldo.
Ndërkohë, kanë votuar edhe kapitenët dhe trajnerët e Kombëtareve.
Kapiteni i Shqipërisë, Mërgim Mavraj, ka votuar me 5 pikë Cristiano Ronaldon, me 3 pikë Sadio Mane, dhe 1 pikë Mohamed Salah.
Trajneri Edoardo Reja, votoi me 5 pikë Mohamed Salah, me 3 pikë Lionel Mesin si dhe me 1 pikë, Frenki De Jong.
Nga gazetarët, i përzgjedhur ishte Dritan Shakohoxha, që me 5 pikë votoi Virgil Van Dijk, me 3 pikë Cristiano Ronaldon dhe me vetëm 1 pikë Lionel Mesin.
