Tenisti serb Novak Djokovic, numri 1 në botë për meshkuj, aktualisht ndodhet në Beograd, ku po kalon një periudhë pushimi me familjen. Gjithsesi, ai vazhdon rehabilitimin pas dëmtimit në shpatull, që e detyroi të tërhiqet nga grand slam i US Open.
“Nuk e di se kur do të rikthehem, nuk kam një datë të saktë. Çdo ditë po kryhej fizioterapi. Për fat të keq, dëmtimi ishte më serioz nga sa imagjinoja. Shpresoj të rikthehem sa më shpejt”, tha Djokovic.
Më tej, tenisti serb tha: “Të shohim se si do të shkojnë gjërat këtë javë dhe nëse do të jem gati për turnetë që zhvillohen në Azi”. Djokovic shpreson të mos kryejë sërish operacion në shpatull. Ai shkoi për një kontroll të imtësishëm në Zvicër javën e kaluar.