Mesfushori i Barcelonës, Frenkie de Jong, ka pranuar se ai mund të ishte bashkuar me Manchester City-n apo Paris Saint-Germainin nëse nuk do të ishte transferuar te katalunasit.
Ish-futbollisti i Ajaxit u transferua te Barcelona gjatë verës edhe pse për të ishin të interesuara shumë klube të mëdha europiane.
22-vjeçari ka treguar se Barcelona ishte zgjedhja e tij e parë, pavarësisht se ai kishte edhe opsione të tjera ku mund të transferohej.
“Nëse nuk do të ishte Barça, do të luaja për PSG-ja ose City”, tha De Jong.
“Kur Barcelona shprehu interesimin e madh për mua më bindi dhe unë bisedova me familjen dhe agjentin tim. Më pas ne vendosëm dhe agjenti im erdhi këtu për të negociuar”, rrëfen futbollisti i Barcelonës.