Jose Mourinho ka folur për herë të parë që pas emërimit të Zinedine Zidane në stolin e Real Madridit, post që pritej ta merrte pikërisht Special One.
I intervistuar nga emisioni spanjoll “El Chiringuito de Jugones” në televizionin Mega, Mou foli shkurt për zhvillimet e fundit në Madrid.
“Zidane më duket zgjedhja perfekte, për ato që ka bërë vitet e fundit. Është një mundësi e shkëlqyer për të treguar sa i zoti është më një projekt të ri”, tha portugezi, i cili ka folur edhe për mundësinë që ta merrte ai Realin.
“Nuk më është dhënë asnjë shpjegim pse nuk u zgjodha unë, sepse nuk bisedova me askënd për të marrë Realin. Është e thjeshtë”.