Largimi i Christian Eriksen nga Tottenham Hotspur është thjeshtë çështje ditësh.
Danezit i skadon kontrata në fund të sezonit aktual dhe në merkaton e janarit është i lirë për të negociuar me ekipet e interesuara. Për shërbimet e tij kanë shfaqur interes shumë klube, mes të cilave edhe Reali i Madridit.
“Los Blancos” kërkojnë freski në repartin e mesfushës dhe 27 vjeçari shihet si ai i duhuri. Për të arritur te Eriksen, Reali ka gati kushtet. Nga ana tjetër “Gjelat” nuk kanë qëndruar duarkryq, teksa kanë identifikuar edhe pasuesin e tij në Londër. Bëhet fjalë për spanjollin e Realit të Madridit, Isco.
27 vjeçari nuk po kalon një formë të mirë në “Santiago Bernabeu” dhe emri i tij është lakuar shumë në merkaton e verës. Ardhja e Eriksen do i jepte më shumë hapësira largimi atij, që në urdhërat e Zinedine Zidane ka luajtur shumë pak minuta, i dyzuar edhe nga dëmtimet.
