Pak muaj më parë të gjithë u çuditen me faktin që Atletico Bilbao rinovoi me një futbollist për 9 vite.
“Fatlumi” ishte talenti i dalë pikërisht nga akademia e klubit bask, Inaki Williams. Mbrëmjen e sotme, 25 vjeçari ka treguar shumë nga potenciali i tij. Një sprint prej 40 metrash, driblim i dy mbrojtësve kundërshtarë e më pas lëvizjet dehëse ndaj portierit.
Williams shënoi një gol mbresëlënës në “San Mames” ndaj Valladolid, duke treguar edhe njëherë arsyen që detyroi Bilbao për t’i ofruar një ndër kontratat më jetëgjata në futboll.
