FSHF ka tërhequr mbrapsht urdhrin për mos lejimin e zhvillimit të ndeshjeve të Kategorisë Superiore në dritat e prozhektorëve, për shkak se nuk i përmbushnin standardet e duhura dhe se kishte probleme me shumicë në pothuajse të gjitha impiantet, përveç “Elbasan Arenës” dhe “Loro Boriçit”.
Fillimisht u njoftua se ndeshjet e javës së 7-të të Kategorisë Superiore, do të zhvilloheshin në orën 14:00, por FSHF është tërhequr nga ky vendim, teksa kanë ndryshuar në këtë mënyrë dhe oraret e ndeshjeve. 3 prej të cilave do të luhen me drita.
Bëhet fjalë për sfidën me Skënderbeu-Luftëtari dhe Flamurtari-Tirana që do të zhvillohen ditën e shtunë në orën 17:00, si dhe Kukësi-Vllaznia që do të zhvillohet të dielën në orën 17:00 në “Elbasan Arena”.
KATEGORIA SUPERIORE, JAVA 7:
E SHTUNË:
Partizani-Teuta ora 14:00
Flamurtari-Tirana ora 17:00
Skënderbeu-Luftëtari ora 17:00
E DIEL:
Laçi-Bylis ora 14:00
Kukësi-Vllaznia ora 17:00
PANORAMASPORT.AL