Liverpuli ka marrë nje fitore shumë të rëndësishme, në minutat e fundit ndaj Lesiterit në “Anfield Road”, dhe ka vazhduar ecurinë fantastike në kampionat.
Skuadra e Jyrgen Klop ka marrë fitoren e tetë në po kaq ndeshje dhe është e vetëm në krye të klasifikimit.
Por, ndeshja e sotme ishte dramatike për Liverpulin, që vetëm në minutën e pestë të shtesës, ka marrë fitoren me penalltinë e Milnerit.
Pas shënimit të golit Klop ka festuar i ekzaltuar, ndërsa në fund të takimit ka shkuar pranë tifozëve dhe ka vazhduar festën me mënyrën karakteristike të tij.
