Paraqitjet mjaft të mira të Lorenc Trashit me Partizanin, duket se janë shpërblyer.
Anësori i majtë, ka marrë një ftesë nga Kombëtarja shqiptare me në krye Edi Rejën, për ndeshjet e tetorit, dhe diçka të tillë e konfirmon stafi i klinikës “Ortomed Sport”.
Trashi ka qenë duke marrë një mjekim të specializuar për këmbën e majtë, tek e cila kishte probleme pas derbit, dhe stafi i klinikës, në një postim në rrjetet sociale shkruan: “Gati për ndeshjen për ekipin kombëtar dhe Teutën. Lorenc Trashi në Orthomed Sport”.