Në Wuhan të Kinës u zhvilluan Lojërat Botërore Ushtarake, një event ku morën pjesë edhe disa “sportistë ushtarakë” nga Shqipëria, që punojnë pranë forcave ushtarake (Minstrisë së Brendshme). Interesant gjesti i kryer nga një sportist shqiptar në këtë turne, që ka tërhequr vëmendjen e organizatorëve dhe jo vetëm.
Atleti Renato Dorzi, që mori pjesë në garën e maratonës (42km), e ka mbyllur këtë garë jo si gjithë të tjerët, por duke kryer një akrobaci në vijën e finishit. Gjesti i tij ka befasuar të gjithë, teksa fotot e këtij finishi kanë bërë xhiron e botës. Duket se distanca prej 42km nuk e ka lodhur aspak Renato Dorzi, që edhe pse nuk ka fituar ka treguar se çfarë është i aftë të bëjë.