Organizatorët e Lojërave Olimpike “Tokio 2020” kanë vendosur që gara e maratonës dhe ajo e ecjes sportive të zhvillohen në një qytet tjetër, në Sapporo. Ky qytet është rreth 800km në veri të Tokio dhe ka temperatura më të ulta, duke bërë që këto gara të gjata të zhvillohen në kushte më normale.
“Në Tokio, këtë verë, janë zhvilluar disa teste për të zhvilluar garën e maratonës në kushtet aktuale dhe rezultatet nuk kanë qenë shumë të mira. Për këtë arsye, Komiteti Olimpik Ndërkombëtar ka aprovuar ndryshimin e vendit, duke thënë se shëndeti i sportistëve është parësor.
“Ne do t’u japim mundësi atletëve të garojnë në kushtet optimale, pasi ata janë në qendër të këtij eventi olimpik. Ne vendosëm të ndryshojmë vendin, për të evituar probleme dhe garuar në kushte normale dhe jo në vapë e lagështirë”, tha Sebastian Coe, presidenti i IAAF-it.
