Milani nuk po kalon një perudhë të mirë në këtë sezon, teksa kuqezinjtë kanë treguar një formë larg pritshmërive.
Vetëm pak ditë më parë drejtuesit e Milanit shkarkuan nga stoli i skuadrës Xhampaolon, për shkak të rezultateve të dobëta të këtij të fundit. Për situatën aktuale të “Djallit” ka folur edhe një legjendë e këtij klubi siç është Alessandro Nesta
Ky i fundit në një intervistë të dhënë, është shprehur se Milani është një kurth vdekjeprurës për trajnerët: “Vendosja e Maldinit dhe Bobanit në krye të klubit, mendoj se është një zgjedhje e duhur. Unë them sedo të jetë koha ajo që do të tregojë nëse puna është bërë mirë apo jo. Nuk mund të arrini gjithçka në një vit apo disa muaj.
Nëse Juventusi është një skuadër e fortë, kjo ka ndodhur sepse ata kanë krijuar themele të forta me kalimin e kohës. Mendoj se kohët e fundit, Milani ka qenë një kurth vdekjeprurës për trajnerët. Disa nga ish-shokët e mi kanë bërë mirë këtu, por kanë arritur në një situatë të vështirë”, u shpreh Nesta.
