Pjesa e parë nisi me një qarkullim të mirë të topit të korçarëve, dhe pas disa sulmeve, zhbllokimi i rezultatit erdhië në minutën e 23-të, nga Dejvi Bregu. Pas një aksioni nga e majta, vlonjati u gjend i lirë dhe tundi rrjetën.
Por, ekipi i drejtuar nga trajneri i komanduar Luan Birçe reagoi, dhe vetëm në minutën e 41-të, ishte Xhevahir Sukaj, që shtyu topin drejt rrjetës pas një topi të ardhur nga e majta, dhe në barazim u mbyll pjesa e parë.
Në fraksionin e dytë, teknikët bënë lëvizjet e tyre, dhe patën raste në të dyja portat, edhe pse jo aq të pastra. Deri në fund, edhe pse vendasit shfaqën më shumë dëshirë, rrjetat nuk u tundën më.
Në fund, Flamurtari e Skënderbeu ndanë nga një pikë. Tashmë, Skënderbeu shkon në 14 pikë, dhe mban vendin e shtatë, ndërsa ende në fundin e renditjes Flamurtari, me 3 pikë në total.
