Trajneri i Bylisit, Veljko Dovedan, u duk i kënaqur edhe me një pikë në fushën e Laçit, pas barazimit pa gola.
Dovedan deklaroi se Bylisi i tij nuk mendon për vendin e parë të renditjes, por pret që një vit të fitojë eksperiencë me lojtarët e tij, dhe më vonë ndoshta mund të pretendojë edhe më lart.
Sa i kënaqur je me këtë ekip, edhe pse keni bërë kritika?
Kemi luajtur ndaj një ekipi të organizuar mirë, të fortë dhe teknik. Bylisi nuk do vendin e parë, por për të qëndruar në vendet e larta të renditjes. Nuk është e lehtë të jesh në vendin e parë.
Ju kënaq 1 pikë në Laç?
Kemi luajtur një ekipi të mirë, na pëlqen edhe një pikë.
Ecuria mjaft e mirë. Çfarë ju mungon të jeni në vendin e parë?
Ne jemi ngjitur nga kategoria e parë, si minimum duhet një vit eksperiencë, më pas na duhet të shikojmë për vendet e larta. Duhet të luajmë një vit në këtë kategori.