Milot Rashica nuk di të ndalet! Në ndeshjen e 1/16-ave në Kupën e Gjermanisë, që Verder Bremeni po luan në shtëpi ndaj Heidenheimit, futbollisti i Kosovës shënoi një supergol, që në minutën e gjashtë.
Rashica lëshoi një gjuajtje të bukur me të djathtën teksa po futen brenda zonës kundërshtare, dhe pavarësisht hedhjes së portierit, topi përfundoi në një cep që ishte i paarritshëm.
Shqiptari i Kosovës po kalon një formë fantastike në Gjermani, dhe veç 3 golave në kampionat, vjen edhe ky realizim në Kupë.