Skuadra e fundit në renditjen e La Liga-s pas tetë javëve të para është Leganes, që është mundur edhe sot 2-1 në shtëpi kundër Levante-s. Por klubi nuk është dakord dhe ka kërkuar përsëritjen e ndeshjes për shkak se VAR nuk ka funksionuar.
Klubi, në fakt, pretendon se ka patur një gabim në komunikimin e VAR-it në rastin e penalltisë që i është kundërshtarëve për kontaktin mes Siovas dhe Roger Marti.
Pronarja e Leganes, Victoria Pavon, ka qenë shumë e ashpër në konferencën për shtyp pas ndeshjes: “Është një gjë e rëndë. Nuk mund të jepe një penallti kur faulli ndodh jashtë zonës dhe kur ke në dispozicion teknologjinë”, ka thënë ajo.
“VAR nuk ka funksionuar mirë, këtë e ka thënë i deleguari ynë dhe burime të tjera. Ekziston një rregullore dhe duhet aplikuar. Avokati ynë po merret me këtë çështje dhe nuk do të ketë probleme për përsëritjen e ndeshjes”.
