Kapiteni i Paris Saint-Germainit, Thiago Silva ka thurur elozhe për Kylian Mbappen i cili hyri në histori të Champions Leagues duke u bërë lojtari më i ri që shënon 15 gola.
Edhe pse sapo i kthyer nga dëmtimi, 20-vjeçari ishte i papërmbajtshëm në fitoren 5-0 kundër Club Brugge, pasi me “hat-trick” e shënuar theu rekordin e Lionel Messit.
“Ai është e tashmja, ai është gati, është i talentuar. Nuk mund të ju them asgjë më shumë sepse ai është një lojtar i mrekullueshëm”, tha Silva pas ndeshjes.
“Jam shumë i lumtur për të, për skuadrën, për mënyrën se si luajtëm sonte. Në pjesën e parë e patëm të vështirë, e dinim këtë, por në pjesën e dytë ishim shumë më efektiv.
“Ne patëm mundësi, shënuam. Veçanërisht Kylian, ky lojtar është i jashtëzakonshëm”, theksoi mbrojtësi brazilian.
Një tjetër performancë magjike nga Mbappe ku në morën 20 vjeç e 306 ditë. Ka arritur që të shënojë 15 gola në kompeticionin më të rëndësishëm euriopian në rang klubesh.
Ai bëhet lojtari më i ri në moshë, që e arrin këtë kuotë, duke thyer rekordin e mbajtur më parë nga Messi, që kishte shënuar kaq gola në moshën 21 vjeç e 288 ditë.
