Situatë kaotike te Tirana, pas humbjes ndaj Bylisit ditën e djeshme me rezultatin 3-1! Trajneri Ardian Mema nuk ka dalë në stërvitje ditën e sotme, për të përgatitur skuadrën për sfidën e radhës ndaj Luftëtarit në transfertë!
Nuk dihet nëse trajneri do të vazhdojë të jetë pjesë e Tiranës, apo ka një ndarje me 24 herë kampionët e vendit, pas rezultateve negative në ndeshjet e fundit!
Në stërvitjen e sotme ka qenë të pranishëm vetëm zv.trajneri Xhafa, trajneri i portierëve Egbo si dhe përgatitësi atletik Kosta Jani.
Mësohet se trajneri Mema është në një takim me presidentin Halili, teksa gjasat janë të mëdha që palët t’i japin duart njëri-tjetrit dhe të kemi një ndarje me marrëveshje! Në orët në vijim pritet të vijë edhe konfirmimi në lidhje me të ardhmen e stolit të Tiranës.
