Shtëpitë e futbollistëve në Spanjë, kohët e fundit, janë kthyer në një prej vendeve më të preferuara për hajdutët.
Pas Benzema-s, Isco-s, Umtiti-s , Lucas Vázquez-it, Piqué-s, Thomas-it, Alvaro Morata-s, dhe Casemiros, radhën e kishte shtëpia e futbollistit të Celta Vigos, Iago Aspas.
Ngjarja ka ndodhur mes orës 20:30-23.30 të premten në mbrëmje. Policia raporton, se kjo grabitje, është kryer nga hajdutë profesionist, të cilët më parë i kanë studiuar mekanizmat e sigurisë në shtëpinë e lojtarit.
Raportohet se hajdutët kanë arritur që të marrin,stoli, rroba dhe një koleksion orësh. Vlera e tyre thuhet se kap shifrën e 100,000 mijë eurove.
Sipas gazetës lokale, ‘La Vox de Galicia’, lojtari dhe familja e tij ishin larg rezidencës në Moaña kur ndodhi incidenti.