Milot Rashica është rikthyer pak kohë më parë nga dëmtimi dhe duket se është rikthyer më i uritur se kurrë.
Mesfushori shqiptar po kthehet në protagonist me Verder Bremenin duke shënuar thuajse në çdo ndeshje dhe sot ka realizuar një tjetër gol me skuadrën e tij.
Që në minutën e 9 të takimit, Rashica ka kaluar Verderin në avantazh me një gol mjaft të bukur, teksa ky është njëkohësisht edhe goli i tij i tretë në 3 ndeshjet e fundit. ai i ka shënuar edhe Leverkusenit dhe Hofenhaimit pak ditë më parë, teksa ka shënuar edhe në ndeshjet e tjera.
Rashica ka arritur të ndëshkojë edhe ekipe si Dortmundi apo Frankfurti teksa po kalon një moment fantastik.
Sezonin e kaluar ai kishte shënuar 9 gola në 26 ndeshje të kampionatit teksa këtë sezon numëron 3 gola në 5 ndeshje. Ai ka shënuar edhe 2 gola në 2 ndeshje të Kupës.
