Trajneri i Kombëtares të Kosovës, Bernard Challandes ka publikuar listën e lojtarëve për dy ndeshjet e nëntorit të vlefshme për eliminatoret në Euro 2020.
Është rikthyer në ekipin përfaqësues Besar Halimi që së fundmi ishte i pezulluar për shkak të kartonëve.
Sulmuesi anësor Bernard Berisha nuk është grumbulluar shkaku i lëndimit, ndërsa për arsyeje të njëjtë mungon edhe mbrojtësi Mirlind Kryeziu.
Njëri nga mesfushorët më të mirë të Kosovës, Herolind Shala është grumbulluar, por nuk do të jetë i gatshëm shkaku i probleme fizike. Megjithatë Shala ka marrë leje speciale nga klubi për t’i qëndruar afër shokëve të përfaqësueses.
Gjithsesi Kosova vazhdon t’i vuajë mungesat e Arbër Zenelit dhe Hekuran Kryeziut, dy lojtarë të rëndësishëm që mungojnë gjatë shkaku i këputjes së ligamenteve.
Kosova do të zhvillojë stërvitjen e parë ditën e hënën në orën 18:00, në stadiumin “Fadil Vokrri”.
Lista e lojtarëve:
