Pas angazhimit me Kombëtaren për ndeshjet ndaj Andorrës dhe Francës, Rei Manaj u bashkua me Albaseten në ligën e dytë spanjolle.
Gjithsesi, për fat të keq sulmuesi kuqezi nuk mund të shkelte dot në fushën e blertë. Ai është dëmtuar në një seancë stërvitore në palestër, më konkretisht në këmbën e djathtë.
Lushnjari do të ekzaminohet më në detaje, dhe testet do të tregojnë nëse ai do të jetë i gatshëm për trajnerin në ndeshjen e së dielës ndaj Mirandes.
