Pas miratimit të rregullave të reja ga garës për vitin 2021 disa nga makinat e Formula 1 kanë nisur të publikojnë modelet se si do të jenë njëvendëshet që do të përdoren atë vit. Williams, Renault dhe McLaren janë tri skuadrat e para që kanë publikuar disa skica se si pritet të jenë njëvendëshet e së ardhmes.
Makina Reanult
Makina më pak komplekse për sa i përket anës aerodinamike, por të ngjashme me ato që përdoren sot. Gjithsesi, aerodinamika është thelbësore dhe u jep mundësi pilotëve që të ruajnë ritmin edhe kur janë në ndjekje të një makine më të shpejtë. Kjo do të shtojë parakalimet e spektaklin në pistë.
Skuadrat do të kenë një tavan për sa i përket shpenzimeve, që do të shkojë në 175 milionë dollarë. Kjo shifër u jep mundësi makinave të vogla të reduktojnë diferencat me makinat me buxhet të madh.
Makina Williams
Ndërkohë, makinat e reja pritet të jenë më të bukura për sa i përket anës vizive edhe pse janë të ngjashme me makinat aktuale. Modelet e paraqitura nga 3 skuadrat aktuale të Formula 1 nuk janë përfundimtare, por japin një ide se si do të jenë njëvendëshet e së ardhmes.
Makina Renault
