Edhe pse Merih Demiral nuk po merr shumë minuta te Juventusi, nëpërmjet ndeshjeve të Kombëtares turke, ka rënë në sytë e skuadrave të mëdha.
Përveç Milanit janë dhe dy klube angleze që e ndjekin, qendërmbrojtësin e ri të bardheznijve.
Siç raporton “Guardian”, në ndeshjen mes Turqisë dhe Islandës, në stadium ishin emisarë të Arsenalit dhe Junajtid, që ndoqën nga afër Demiralin.
Arsenali duket se është bindur dhe tashmë është gati të japë plot 40 milionë euro për turkun, në mënyrë që ta rrëmbejë përpara konkurrentëve.
Tashmë mbetet të shihet nëse Juventusi është gati të shesë një nga mbrojtësit më premtues të së ardhmes.
