Përveç afrimeve në merkaton e janarit, te Real Madridi mendojnë edhe për rinovimin me futbollistët që ata kanë në ekip.
Federiko Valverde ka bindur drejtuesit me paraqitjet e shkëlqyera që ka treguar, me këta të fundit që kanë vendosur t’i rinovojnë futbollistit kontratën deri në vitin 2025. Megjithatë ajo që ka tërhequr vëmendjen e të gjithëve nuk është rinovimi i kontratës, por klauzola e largimit që është vendosur në të.
Madrilenët kanë vendosur një klauzolë largimi prej 750 milionë euro, duke treguar edhe një herë besimin që kanë te 21-vjeçari. Pikërisht kjo tregon se spanjollët kanë filluar të mendojnë edhe për të ardhmen, duke iu dhënë besim të rinjve, me shpresën se do t’ia u shpërblejnë në të ardhmen.
Këtë sezon mesfushori uruguaian ka zhvilluar 12 paraqitje me klubin mbretëror, ku ka arritur të shënojë dy gola dhe ka dhënë 2 asiste.
