Ndeshja midis Liverpulit dhe Napolit, nuk u zhvillua vetëm brenda fushës së blertë, por edhe jashtë saj.
Para fillimit të ndeshjes tifozët anglezë dhe ata italianë janë përplasur me njëri-tjetrin, ku kanë mbetur disa persona të lënduar. Sherri ka vazhduar për disa momente me tifozët që godisnin njëri-tjetrin, deri në momentin që aty mbërriti policia.
Pas mbërritjes së këtyre të fundit, situata u qetësua teksa u arrestuan edhe 5 persona. Tre persona u arrestuan me akuzën për fyerje ndaj një zyrtari publik, një person është arrestuar për problemet e krijuara aty ndërsa një tjetër me akuzën për shkelje të rregullave.
