Mario Baloteli është i pandreqshëm! Sulmuesi italian e ka shumë të vështirë të ndryshojë mënyrën e tij të sjelljes, pavarësisht skuadrës ku ai bën pjesës.
29-vjeçari është bërë protagonist i një episodi negativ te skuadra e Breshas, teksa ditën e sotme u përplas me trajnerin e ri Fabio Groso, gjatë seancës stërvitore.
Shkaqet e zënkës nuk janë bërë ende të ditura, ndërkohë që mediat italiane raportojnë se në orën 16: 16, kur Groso i ka kërkuar Balotelit të largohet drejt dhomave të zhveshjes, ky i fundit ka marrë makinën, për t’u larguar para shokëve të skuadrës nga qendra stërvitore drejt shtëpisë së tij.
