Sulmuesi i Real Madrid-it, Eden Hazard, ka pranuar se kur ishte pjesë e Chelseas ekipii i PSG-së e ka kërkuar gjithmonë me ngulm. Belgu ka refuzuar duke dashur gjithmonë të kalonte te skuadra e Real Madrid-it. Ai nuk ka menduar asnjëherë kalimin te skuadra kampione e Francës dhe për shkak të Lilles.
Hazard e ka shprehur dhe njëherë dashurinë e tij për ish-klubin e tij duke treguar se PSG e ka refuzuar disa herë. “Ata janë munduar shpesh që të më bindin, por nuk kthehem në Francë. Nëse kthehem një ditë mund ta bëj vetëm për Lillen. Gjithmonë i kam thënë jo PSG.
“Isha i qartë se nëse kthehesha duhet ta bëja vetëm për Lille”, – tha belgu për L’Equipe. Hazard la Chelsean për të kaluar te Real Madridi, por ende nuk ka arritur të tregojë më të mirën e tij. Ai nuk ka bindur në “Santiago Bernabeu” dhe të gjithë presin shkëlqimin e tij.
