Një tjetër skuadër i është bashkuar solidaritetit për tërmetin e rëndë në Shqipëri ku humbën jetën shumë persona.
Bëhet fjalë për skuadrën turke të Menemensporit, ku aktivizohet portieri shqiptar, Gentian Selmani. Shokët e skuadrës janë mbledhur të gjithë së bashku, duke pozuar me simbolin e shqiponjës, teksa i janë gjendur pranë popullit shqiptar në këtë moment të vështirë.
Natyrisht kjo afërsi e treguar nga klubi e bën portierin të ndihet edhe më i familjarizuar me skuadrën, teksa ka shkruar në “Instagram”:
“Dua te falenderoj skuadren time Menemenspor per solidaritetin e treguar ne termetet qe kane ndodhur keto dite ne vendin tone.
Ngushellimet me te thella per viktimat e kesaj katastrofe. Zoti ju dhente force te kaloni kete traume dhe vuajtje te gjithe atyre qe kane humbur njerezit e zemres. Se bashku jemi me te forte”, shkruan Selmani.
