Max Verstappen ka sulmuar Ferrarin pas çmimit të madh të Amerikës, ku ai është renditur i treti. Mesa duket bëhet fjalë për një avantazh të parregullt të Ferrarit në motor. Skuderia është kundërpërgjigjur menjëherë, duke i quajtur deklaratat e tij qesharake.
Kokëkuqja ishte shumë e ngadaltë gjatë pjesës së drejtë të pistës në Austin të Teksasit, dhe Verstappen ka akuzuar Ferrarin për hile në mesin e sezonit, ku ishte skuadra më e shpejtë në pjesët e drejta.
“I kemi parë me vëmendje të dhënat. Shpejtësia maksimale e tyre është shumë ndryshe në garat e fundit,” është shprehur edhe shefi i Mercedesit Toto Wolf.