Faza e grupeve e Ligës së Kampionëve ka përfunduar dhe tashmë skuadrat e kualifikuara kanë njohur edhe kundërshtarët e ardhshëm për fazën tjetër.
Nëpërmjet faqes zyrtare, UEFA ka publikuar 4 golat më të bukur të realizuar në fazën e grupeve, nga ku do të zgjidhet edhe më i bukuri. Në garë për golin më të bukur janë, Daglas Kosta, Lautaro Martinez, Luis Suarez dhe Marsel Sabitzer.
Sulmuesi i Juventusit realizoi një gol shumë të bukur në Rusi, përballë Lokomotivës së Moskës, teksa pas një kombinimi perfekt me Higuainin, ia doli ta dërgojë topin në rrjetë në minutën e 93’, duke i dhënë fitoren Juventusit.
Në garë për golin më të bukur është edhe Lautaro Martinez, pikërisht për golin që realizoi ndaj Slavia Prahës, në Çeki, në ndeshjen e fituar nga zikaltërit me rezultatin 3-1.
Edhe Suarez me golin e realizuar ndaj Interit në ndeshjen e zhvilluar në “Kamp Nou”, ka hedhur kandidaturën për tu përzgjedhur si goli më i bukur.
I katërti është futbollisti i Lajpcigut, Marselo Sabitzer, i cili realizoi një gol me të veërtetë spektakolar ndaj rusëve të Zenitit në Gjermani.
🤔 Chi ha segnato il Gol della Fase a Gironi?
Marcel Sabitzer?
Douglas Costa?
Lautaro Martínez?
Luis Suárez?Vota qui 👉 https://t.co/YcJRgGvWaV #UCL | #GOTGS pic.twitter.com/h82A87mhnF
— La UEFA (@UEFAcom_it) December 17, 2019