Përballja e së shtunës në kategorinë e dytë të futbollit anglez (Championship) Lids-Kardif 3-3 fiksoi një nga shpikjet më të bukura të sezonit. Në sfidën e çmendur midis Kardifit dhe Lidsit, sulmuesi i Kardifit Li Tomlin dhuroi një asist të rrallë për shokun e skuadrës Robert Gatzel për të shënuar golin e barazimit të jashtëzakonshëm në minutën e 88-ë.
Anglezi Tomlin nuk mendoi ta kontrollonte topin, por kërceu dhe pasoi me thembër topin për gjermanin Gatzel duke i dhënë mundësinë të barazonte takimin 3-3 dy minuta nga fundi i lojës.
Shumë persona në rrjetet sociale kanë hedhur idenë se pasimi i mrekullueshëm i 30-vjeçarit Tomlin mund të jetë ndoshta “Asisti më i bukur i të gjitha kohërave në futboll”. Megjithatë, Tomlin duhet të gëzohet me faktin se ka fituar shumë fansa me veprimin e tij spektakolar.
The greatest assist in the history of football by @Leetomlin10?#EFL | #CityAsOne pic.twitter.com/kZgOub2kBR
— Sky Bet Championship (@SkyBetChamp) December 17, 2019
