Janë luajtur dy ndeshjet e para të javës së 10-të dhe të fundit të fazës së parë të Superligës në basketboll për meshkuj. Kampionët e Goga Basket janë mundur 91-73 nga Vllaznia në Shkodër.
Një ndeshje e dominuar nga basketbollistët shkodranë, që bënë një lojë të mirë. Vllaznia ishte vazhdimisht në epërsi, duke e merituar fitoren, që e ngjit në vend të dytë, me pikë të barabarta me Gogën.
Pa probleme fiton skuadra e Teutës, që mundi në fushën e saj 101-66 Barleti Eagles. Një rezultat i pritshëm, duke parë se u përballën dy ekipet që ndodhen në skajet e kundërta të renditjes.
Teuta e mbyll këtë fazë në vendin e parë si “kampione e dimrit”. Sot do të luhet ndeshja e fundit e kësaj faze, derbi Tirana-Partizani.
Basketboll – Superliga Meshkuj, java e 10-të
Vllaznia – Goga Basket, 91-73
Teuta – Barleti Eagles, 101-66
Tirana – Partizani, 19/12 (F.Hoti, ora 19:00)
Renditja: Teuta 19 pikë, Vllaznia 16 pikë, Goga Basket 16 pikë, Partizani 14 pikë, Tirana 12 pikë, Barleti Eagles 10 pikë.
