Matia Perin është gati t’i japë lamtumirën Juventusit dhe pritet të rikthehet në skuadrën ku ka rënë në sy, Xhenoan.
Portieri bardhezi nuk ka gjetur veten në asnjë moment që nga vera e vitit të shkuar, kur u bashkua me kampionët e Italisë.
“Gazzeta Dello Sport”, raporton se Perin kërkon të rikthehet te Xhenoa në formë huazimi, me qëllimin e vetëm që të marrë sa më shumë minuta dhe të mos humbasë Europianin e vitit 2020 me Kombëtaren italiane.
Perin kur u bashkua me Juventusin, u cilësua si Bufoni i ri, por në asnjë moment nuk arriti dot të mposhtë konkurrencën e Sheznit, që tashmë është titullar te “Zonja”.
