Ish-portieri i Liverpulit, Loris Karius është një nga futbollistët më të njohur në botë dhe jo për aftësitë e tij. Gafat e bëra në finalen e fundit të Champions League do të mbesin gjatë në memorien e shumë njerëzve dhe vështirë se Karius do të arrijë të luajë më në nivele të larta.
Sot, në takimin mes Sarpsborgut dhe Beshiktashit, Karius na kujtoi sërish se pse Liverpuli e largoi drejt Beshiktasit. Gjermani pësoi 2 gola në 6 minutat e para të sfidës dhe për të dy pësimet, faji qëndron mbi të.
Një dalje e pastudiuar te goli i parë dhe një “ngrirje” kur kundërshtari shënon nga 40 metra kanë bërë që Karius të rikthehet sërish në qendër të kritikave, por dhe të talljeve në rrjetet sociale.
