Arturo Vidal mbetet objektivi kryesor i Interit në merkaton dimërore.
Sapo ka mbërritur në Kili për të festuar Krishtlindjet, iu është përgjigjur interesit të gazetarëve për atë që do të ndodhë me të në të ardhmen e afërt.
“Këtë temë ia kam lënë një personi tjetër, që është menaxheri im. Unë nuk shqetësohem fare, aq më tepër në këtë periudhë fetash. Unë jam i qetë dhe i lumtur te Barcelona, kur të kthehem, të shohim çfarë do të ndodhë”, theksoi mesfushori.
Më e rëndësishmja për 32-vjeçarin është të luajë në vazhdimësi, për të qëndruar në nivele të larta.
“Shpresoj të qëndroj gjatë në Europë. Jam afër shifrës së 100 golave dhe jam shumë i lumtur për këtë. Roli im te Barcelona? Nuk jam unë ai që vendos nëse do të luaj ose jo, e bën trajneri këtë detyrë, por njerëzit shohin e kuptojnë dhe kjo më lejon të jem i qetë. Do të vijoj të shfrytëzoj çdo mundësi për të luajtur, sepse është ajo që më shumë dua. Shpresoj t’i fitoj trofetë që na presin”, tha Vidal.
