Tirana po bën përgatitjet e fundit për startin e ri të kampionatit ku në javën e parë bardheblutë do të ndeshen me Skënderbeun në stadiumin ‘Selman Stermasi’.
Për të karikuar tifozët e saj, Tirana ka publikuar një promo mjaft interesante duke bërë një miks pamjesh e këngësh nga origjinat e futbollistëve bardheblu.
Në video natyrisht protagonist janë vetë lojtarët e Tiranës të cilët ja marrin valles në fushën stërvitore si për të treguar frymën pozitive që ka skuadra para startit të kampionatit.
Me kontingjentin e krijuar, Tirana pritet të jetë një ndër skuadra pretendente për titull këtë sezon pas një sezoni të kaluar jo fortë të mirë, ku ndërruan dhe 3 herë trajnerin.
