PSG e mbylli në mënyrën më të mirë vitin 2019. Parisienët fituan me rezultatin e thellë 4-1 ndaj Amiens. Një sukses që e mbajti në 7 pikë diferencën me Marseillen e vendit të dytë që nga ana e saj mposhti 3-1 Nimes, por PSG ka një ndeshje më shumë për të luajtur.
Në këtë takim shënuan i gjithë sulmi i Parisi. Serinë e golave do ta hapte Mbappe, i cili shënoi pas një asisti nga ana e Neymar.
Pas pushimit erdhi goli i Neymar, i cili duhet të falënderojë Mauro Icardi-n për asistin e bukur pasi bëri një driblim spektakolar brenda zonës.
Mbappe ka shënuar golin e dytë personal dhe të tretin e ekipit pas një tjetër aksioni të bukur të vendasve.
Mendoza shënoi golin e nderit për miqtë përpara se Icardi të shkruante emrin e tij te lista e golashënuesve e një gol të bukur.
Parisi ndodhet në vend të parë të renditjes, me 45 pikë të grumbulluara në 18 ndeshje.
© SYRI.net
