Tottenham Hotspur ka zyrtarizuar rinovimin e kontratës me mbrojtësin belg, Toby Alderweireld.
30-vjeçari ishte futur në vitin e fundit të kontratës në kryeqytetin anglez dhe kërkesat për të ishin të mëdha. Megjithatë, mbërritja e Jose Mourinho te “gjelat” bindi Alderweireld për të firmosur deri në qershor 2023.
Qendërmbrojtësi ishte kthyer në objektivin e shumë skuadrave, me Romën që dukej në “pole-position” për shërbimet e tij. Pas qëndrimit të Anderweireld, Mourinho ka detyrën e vështirë, bindjen e mesfushorit të talentuar, Christian Eriksen.
Danezi, ashtu si belgu është në fundin e kontratës në “Tottenham Stadium”, por kërkesat për ta janë të mëdha dhe e ardhmja mund të vendoset që në janar.
