Fabrizio Ravanelli, ish-sulmues i Juventus-it, me të cilën ka fituar Champions League-n në 1996-ën kundër Ajax-it, fitorja e fundit europiane e bardhezinjve, ka folur për Corriere della Sera, duke filluar nga treshja e sulmit Ronaldo-Higuain-Dybala:
“Treshja jonë, unë, Vialli, Baggio në fillim dhe Del Piero më pas, ishte e pakrahasueshme për punën që bënim. As ajo e Liverpool-it, Salah-Mane-Firmino, as Dybala-Higuain-Ronaldo nuk mund të na afrohen. Por çdo version ka karekteristikat e veta dhe pika e veta të forta”, ka thënë Ravanelli.
“Treshja aktuale e Juventus-it? Besoj se është e përshtatshme vetëm në ndeshje të caktuara. Edhe pse Dybala është një tjetër në krahasim me vitin e kaluar, Higuain kërkon të tregojë gjithmonë vlerën e tij dhe Ronaldo nuk ka nevojë për fjalë të tjera, veçanërisht pas golit kundër Sampdoria-s. Megjithatë, mesfusha nuk ka cilësinë e duhur për t’i mbështetur”.
