Dalëngadalë po i vjen fundit dekadës së 202-të dhe sajti i specializuar për merkaton, “Transfermarkt” ka publikuar disa statistika mjaft interesante. Për sa i përket futbollit në Itali, në dekadën që po shkon drejt fundit, Parma ka thyer çdo rekord.
Ekipi nga “Tardini” ka vendosur një rekord për lojtarët e afruar në klub gjatë kësaj dekade, që janë plot 979. Po, e keni lexuar mirë, 979 lojtarë të afruar brenda 10 vitesh. Diferenca me vendin e dytë është një hendek pafund, pasi Genoa ka afruar 338 lojtarë më pak, pra në total 641 lojtarë.
Më pas, vjen Atalanta me 603 lojtarë, Chievo me 599 dhe pesëshen e parë e mbyllin kampionët e Serie A, Juventus me 543 lojtarë të afruar. Inter bën pjesë në këtë renditje gjithashtu, me zikaltrit që janë të shtatët me 522 lojtarë.
