Bajer Leverkuseni ka zyrtarizuar afrimin e talentin argjentinas Ezekiel Palasio, i cili aktivizohet me River Plejtin në Argjentinë.
Palasio ishte një nga lojtarët më të kërkuar, me Milanin dhe Interin që kishin shfaqur interes serioz për të nënshkruar me të.
Megjithatë të dy ekipet nuk ia dolën të arrinin një marrëveshje me lojtarin dhe River Plejtin, me 21-vjeçarin që tashmë do të kalojë në Europë, por jo në Itali.
Drejtuesit e Leverkusenit kanë nxitur të mbyllin marrëveshjen me mesfushorin argjentinas, i cili premton shumë për të ardhmen.
Palasio do të bashkohet me Leverkusenin që nga 1 janari, ku do të nënshkruajë një kontratë deri në vitin 2025 dhe i ka kushtuar arkave të gjermanëve rreth 20 milionë euro.
